| 2008年 11月7 – 9 號 08毅行者 完成時間: 36:00 (2008/11/7 12:30 – 2008/11/9 00:30) 隊員: 3位同事 – Alan (倫哥), ken (刀哥), 修哥 支援隊員: 1. 中學同學: Jason, 胡生, 林明 – CP2, 3, 8 2. 倫哥朋友: bond 哥 + 2 個朋友 – 扎山道 3. 同事: Wun, Diana, Joy, Eric – 城門水塘 4. 倫哥+ken 朋友: Ronald – 城門 到 針山 今年參加左毅行, 為左今次既毅行, 之前用左3個月時間準備, 今次成功完成, 好多謝3位隊員沿途既支持, 幫手, 忍讓, 同埋各support team 既支持同幫手, 先可以順利全隊完成. 今次100km 之行程係我咁耐以黎最長既一次旅程:  起點 (北潭涌) 7/11/08 12:30 我地11點半到左去登記, 帶上手帶, 代表著100km 長征即將開始, 心情即刻沉重, 因為下次當呢條帶剪落黎時, 一係放棄, 一係完成. 之後我見到另外兩隊朋友, 呀山, 同埋…第一次見面既同事Isaac <<<呢個係我之後90km都見住佢… 起點 (北潭涌) 7/11/08 12:30 – CP1 (西灣) 7/11/08 16:13 起步, 我地既魔鬼教練即刻爆出, 修哥緊貼其後, ken 就伴住我一齊行, 形成 2-2陣式. 一開頭係10km既石屎路, 小上小落, 呢段好悶, 又長…….. 急步下最後比預計早左15min, 用左個半鐘就到左東霸, 一流~, 大家加完水同寶礦力後就出發去浪茄. 跟住上西灣山, 呢個….係我覺得成個trip最辛苦個山, 因為又熱又無風, 加上岩岩行完10km 就由0開始上, 沿途多得倫哥同我一齊行, 好辛苦咁先上到山頂, 有義工係到請人食檸檬, 正~, 食檸檬都食得咁開心, hahaha 之後….ken 竟然話開始肚痛, 係因為..佢頭先行個時飲左一個星期前開左未飲完既寶礦力, 仲話有d變味佢都飲左半支, hahaaa..搞到佢要跑左去西灣搞點佢…之後我地落山都無乜野, 所以最尾都比原先快左差吾多一個鐘.
CP1 (西灣) 7/11/08 16:13 – CP2 (北譚坳) 7/11/08 18:31 係西灣休息左15min, 飲左2支野就上路, 呢段我都行慢左, 同之前個時間一樣 (原來應該可以快d). 去到赤徑收到support team 既電話通知已經到左, 個心即刻想快d到. 到左北譚坳就開飯, 食我之前order 要既叉燒一盒, 如埋魚旦麵~, 再換埋衫, 其實係呢個moment 已經好累, 吾想換, 不過……只不過行左1/4, 加上要完成既決心, 就好爽快咁上路~ CP2 (北譚坳) 7/11/08 18:31 – CP3 (水浪窩) 7/11/08 23:16 一路上牛耳石山都係人, 塞車, 不過係咁, 就可以hea 下 hea 下咁行上去……一路捱左上牛耳石, 望返落山, 成條山路都係燈, 好壯觀, 令到我覺得…係山上吾只我一個人努力緊~ 一路塞到嶂上, 許林士多都擺檔擺到出黎, ken 同修哥就買左罐野飲後就再上路, 先落5爪位, 有d人落得鬼咁慢, 超前左一大批人之後 再上雷打石, 塞下塞下就上…都ok….跟住, 一回望條路, 更壯觀, 真係好睇過漫天星星, 好似一條銀河咁係到慢慢向前行, 每一支燈就好似一粒星咁, 係到閃下閃下, 我唸, 我下次要搵機會特登去影呢一張相~ 之後上雞公山, 慢慢捱, 多得ken 等埋我,, 一齊行 (佢因為肚痛). 上到雞公, 無乜風, 休息左1,2分鐘就要出發. 落呢個雞公山時, 我拉傷左大脾髖關節…呢個搞到我…到今日仲痛緊…. 之後捱到水浪窩又見到support team, 開飯~食緊野時竟然見到金章朋友sharon, hahahaa, jason 既隊友. 坐左係水浪窩,仲記得幾年前就係呢個pt quit 左, 今次重臨, 心情吾同左好多~今次, 有決心好多, 因為有一班支持我既隊員同支持隊, 我仲要去城門見班同事呀~ 
CP3 (水浪窩) 7/11/08 23:16 – CP4 (基維爾營) 8/11/08 04:10 一黎就上馬安山, 上下停下, 幾經辛苦又捱到上去, 夜晚行山真係幾易, 又吾熱, 雙眼就只係望住前幾米段路. 上到馬安頂, 又吾係好大風, 休息左陣就繼續進發, 沿路又多人, 今次仲塞到停左係到. 行到去昂平就停低小睡5分鐘~再上打潟酒坳, 上到去就再小休. 點知, 當我再行時, 大脾o個個位超痛, 隻左腳向前行一步已經痛到行吾到, 係呢個moment, 我對自己講左一次, 今次完成之後就吾會再行毅行~! 就咁…望住d隊員走晒~….好吾容易先行番順, 自己就咁慢慢行到低位先見番佢地, 就咁一齊再向基維爾營進發,最後 04:10左右到.
CP4 (基維爾營) 8/11/08 04:10 – CP5 (畢架山) 8/11/08 07:53 出發往大老山~, 沿路都好多人, 呢個時間我已經好似訓著左, 不過就繼續行緊….行到馬路口, 就見到support team, 係倫哥d朋友. 不過係到都無胃口食野, 衫又吾想換, 只係想坐係到…….飲左d extra 後, 就出發….呢個moment 都已經差吾多天光, 心唸…又一日la, 呢晚我要返屋企訓…… 行到沙田坳就上雞胸山, 呢段就係我地team 第一次training 既地方, 唸反個時行到隻狗咁, hahhaaa, 而家就只係無精神~. 之後行行下, 倫哥話肚痛, 要爆去cp 去廁所, 佢就叫修哥陪佢爆去幫佢羅袋, ken 就陪我慢慢行過去,我地話ok 之後就吾見到佢地, 不過…5分鐘之後就見到修哥….佢話….爆吾到~hahahaa…咁我地就慢慢去到cp就見到倫哥~, 佢話好似廁所入面有位放…..去到呢個check point, 已經見到好多人訓晒係到~, hahahaa..我地就繼續進發~, 就快到城門la~ |
<-- 今日真係超熱...去浮潛真係一流
